Potetthina Pidikillu

పుస్తకాన్ని చేతిలోకి తీసుకున్న తరవాత ఏ పేజీ అయినా తెరవండి. శీర్షికతో, కవితో సంబంధం లేకుండా ఏ పాదాలనైనా చదవండి. మధ్యలో మొదలు పెట్టి మధ్యలోనే ఆపేయండి. వణుకుతున్న గుండె మిమ్మల్ని కూడా కుదిపేంత గట్టిగా కొట్టుకుంటున్న అనుభూతి కలుగుతుంది. ఆఫ్రికాలోని ఎన్నోదేశాల, కొందరు కవుల, కొన్ని కవితలు ఇవి. ఇది కేవలం ఆఫ్రికా దేశాల రోదన మాత్రమే కాదు. ప్రపంచంలో ఏ మూల నిలబడ్డా అక్కడి శ్రామికుడి మనసు పలికినట్టే ఉంటాయి. శ్రమదోపిడీకి గురయ్యే ప్రతీ ఒక్కడి కడుపు మంటా ఇలాగే ఉంటుంది. ఆఫ్రికా ఖండమంతా ఉన్న రకరకాల దేశాల కవిత్వం ఇక్కడ చేర్చబడింది. అయితే ఇదేమీ సుకుమార భావాల ప్రకటన కాదు. మేధో, ధిక్కార స్వరాల భీకర ప్రకంపణ. అది ప్రపంచమంతా ప్రతిధ్వనించాల్సిన పొలికేకల సమూహం.
– నరేష్కుమార్ సూఫీ